ഇതിഹാസങ്ങളെ വർഗീയവാദികൾ ആയുധപുരകൾ ആക്കുന്ന ഈ കാലഘട്ടത്തിൽ മഹാഭാരതത്തിന്റെ ഒരു ബദൽ വായന സാധ്യമാക്കുന്ന സുനിൽ പി ഇളയിടത്തിന്റെ 'മഹാഭാരതം: സാംസ്‌കാരിക ചരിത്രം' എന്ന കൃതിയുടെ വിവിധ മാനങ്ങൾ അവലോകനം ചെയ്യുകയാണ് ഡോ. സ്റ്റാൻലി ജോണി.
ഉത്പാദകബന്ധങ്ങളിൽ നിന്നും സാമൂഹ്യക്രമങ്ങളിൽ നിന്നും വേർപ്പെടുത്തി കേവലം ആശയസംഘട്ടനം എന്ന നിലയിൽ മലബാർ കലാപത്തെ ഇന്ന് വിലയിരുത്തപ്പെടുമ്പോൾ, കലാപത്തിന്റെ സാമൂഹ്യ-രാഷ്ട്രീയമാനങ്ങളിലക്കെത്തി നോക്കുകയാണ് ലേഖകൻ.

കൊറോണക്കാലത്ത് അബദ്ധജടിലമായ വാദങ്ങൾ പല ദിക്കിൽ നിന്ന് ഉയരുകയും വൈറസിനെക്കാളും വേഗത്തിൽ പടരുകയും ചെയ്യുകയാണ്. ഒരു വർഷം മുൻപ് ഇറങ്ങിയ ഡെറ്റോൾ കുപ്പിയിൽ കൊറോണവൈറസിനെ കുറിച്ചു പറഞ്ഞിരുന്നു എന്ന് ഇക്കിളി ക്ലിക്‍ ബയ്റ്റ് അടിച്ച് വിട്ടത് കേരളത്തിലെ ഒരു മുൻനിര മാധ്യമമാണ്. പൊങ്കാലയിടുന്നയിടത്ത് വൈറസ് വരില്ല എന്നു പറഞ്ഞത് ഒരു മുൻ ഡിജിപി, മുപ്പതു ഡിഗ്രി സെല്‍ഷ്യസ് ഉണ്ടെങ്കിൽ കുഴപ്പമില്ല എന്ന് മറ്റൊരു ജനപ്രതിനിധി.