എല്ലാ എക്സിറ്റ് പോളുകളെയും അപ്രസക്തമാക്കിക്കൊണ്ട് 2019ലെ ലോകസഭാ തെരെഞ്ഞെടുപ്പില്‍ ബിജെപി നേടിയ വിജയത്തെ സാമ്പത്തികശാസ്ത്രജ്ഞന്‍ പ്രൊഫ. പ്രഭാത് പട്നായിക് വിശകലനം ചെയ്യുന്നു.
മാതൃഭൂമി ആഴ്ചപ്പതിപ്പിന്റെ ജൂണ്‍ 2-8 ലക്കത്തില്‍ ആനന്ദ് എഴുതിയ ‘രാഷ്ട്രപരിണാമത്തിന്റെ നൂറ് വര്‍ഷങ്ങള്‍’ എന്ന ലേഖനത്തിന് ഒരു വിമര്‍ശനം. എഴുതുന്നത് സ്റ്റാന്‍ലി ജോണി.

തങ്ങള്‍ക്കനുകൂലമായ ചരിത്രം നിര്‍മ്മിക്കുക എന്നത് വര്‍ഗീയ ഫാഷിസത്തിന്റെ അടിസ്ഥാനതത്വങ്ങളില്‍ പ്രധാനമാണ്. ചരിത്രസത്യങ്ങളെ വളച്ചൊടിച്ചും ചരിത്ര വ്യക്തിത്വങ്ങളെ പുനര്‍നിര്‍വചിച്ചും നിര്‍മ്മിക്കുന്ന അപരവിദ്വേഷപരമായ വ്യാജചരിത്രമാണ് വര്‍ഗീയഫാഷിസത്തിന്റെ പ്രത്യയശാസ്ത്രം. ഈ അപകടത്തെ സൂചിപ്പിച്ചു കൊണ്ടാണ്, ചരിത്രം വര്‍ഗീയതയുടെ അസംസ്കൃതവസ്തുവാണെന്ന് എറിക് ഹോബ്സ്ബോം അഭിപ്രായപെട്ടത് 1.